Efi Dhedhes gjatë pjesëmarrjes në “Big Brother Vip” bëri për vete një publik të gjerë. Ajo është shumë aktive në rrjetet sociale, ku ndan me ndjekësit momente nga përditshmëria e saj.
Së fundmi, Efi ka zhvilluar një bisedë virtuale me fansat, teksa një ndër ta e pyeti ishbanoren se pse nuk mori pjesë në konkursin e kërcimit “DWTS”, ndërsa ajo tha se “Big Brother” ka mbaruar dhe nuk dëshiron ta përjetojë edhe një here të njëjtën eksperiencë.
Mesa duket ish-banorja “thumboi” “Top Channel”, pasi disa nga konkurentët e këtij spektali janë ish-banorët e “BBV”, si Ronaldo Sharka, Armaldo Kllogjeri, Elvis Pupa dhe në juri Olta Gixhari.
Efi tregoi më herët se ka refuzuar që të marrë pjesë në filmin “Në Kuadër të Dashurisë”, ku Olta Gixhari dhe Luiz Ejlli janë protagonistët kryesorë, pasi roli që i ofruan ishte i parëndësishëm.
“Më ka ardhur por nuk më tërheqin shumë. Nuk dua thjesht të futem dhe kaq. Dua që vërtet të më pëlqejë diçka që ta bëj. Më erdhi një propozim por që absolutisht që nuk e pranova pasi ishte një gjë shumë e vogël, pra një rol i parëndësishëm”, u shpreh Efi.
Teksa u pyet nga moderatorja se a do luante krah Luizit dhe Oltës, ish-banorja tha: “Puna është punë”.
